Қозоғистонда яқин уч кун ичида кучли ёмғир ва шамол кутилмоқда

ASTANA. Кazinform - 24—26 август кунлари республиканинг аксарият ҳудудларида беқарор об-ҳаво кузатилади, момақалдироқ ва кучли шамол кутилмоқда, дўл ёғиши мумкин. Бу ҳақда Kazinform «Қазгидромет» РДКга таяниб хабар беради.

«Республика ғарби, шимоли-ғарби, шимоли ва шарқида кучли ёмғир ёғиши, ҳаво ҳароратининг босқичма-босқич пасайиши кутилмоқда. Ҳаво ҳароратининг энг катта пасайиши республиканинг шимолий ҳудудларида кутилмоқда, кечаси шимолда ҳаво ҳарорати 7-12 даражагача, кундузи 17-22 даражагача пасаяди. Фақат Қозоғистоннинг жануби ва жануби-шарқида ҳарорат фонида сезиларли ўзгаришлар кутилмайди, об-ҳаво асосан ёғингарчиликсиз бўлади», — дейилади синоптиклар хабарида.