Қозоғистонда тадбиркорлар учун мобил илова пайдо бўлади

NUR-SULTAN. Kazinform – Қозоғистон Республикаси Ҳукумати тадбиркорлик фаолиятини осонлаштириш, шу жумладан якка тартибдаги тадбиркорлик субъектларини очиш ва ёпиш, солиқларни ҳисоблаш ва тўлаш, солиқ ҳисоботларини тўлдириш учун мўлжалланган «e-Salyq-Business» мобил иловасининг функционаллигини тақдим этди. Бу ҳақда Kazinform ҚР Бош вазирининг расмий веб-сайтига асосланиб хабар беради.

Ҳукуматда ҚР Бош вазирининг биринчи ўринбосари Алихан Смаилов раислигида «e-Salyq-Business» мобил иловасини татбиқ этиш» мавзусидаги йиғилиш бўлиб ўтди.

Мобил илова якка тартибдаги тадбиркор сифатида онлайн рўйхатдан ўтиш, солиқ режимини танлаш ёки ўзгартириш, чек бериш, солиқ ҳисоботларини тузиш/юбориш, солиқларни тўлаш, билдиришномалар/сертификатлар олиш, тўловларни бошқариш ва давлат хизматлари даромадларидан маълум хизматларни олиш имконини беради.

Ишлаб чиқувчилар солиқлар ва ижтимоий тўловларни ҳисоблаш, солиқ ҳисоботларини тўлдириш ва тақдим этиш, даромадлар ва солиқлар ҳисобини юритишни автоматлаштирдилар.

«e-Salyq-Business» мобил иловаси пилот режимида жорий йилнинг июль ойига ишга тушириш режалаштирилган. Биринчи босқичда фойдаланувчилар сони тахминан 100 минг кишини ташкил қилиши кутилмоқда.