Қозоғистонда таълим соҳасида 30 йилдан ортиқ меҳнат қилган ўқитувчиларга «Меҳнат фахрийси» медали берилади

ASTANA. Kazinform – Қозоғистонда таълим соҳасида 30 йилдан ортиқ тажрибага эга ўқитувчи «Меҳнат фахрийси» медали билан тақдирланади. Бу ҳақда ҚР Таълим-маориф вазири Ғани Бейсембаев маълум қилди, деб хабар беради Kazinform мухбири.

«Ўқитувчи ҳар биримиз учун ҳаёт йўлимизни белгилаб берувчи, шахсиятимиз ривожланишига замин яратувчи шахсдир. Ўқитувчилар кўп авлодларга таълим беради ва тарбиялайди. Шунинг учун ҳам биз устознинг аввалги қиёфасини янада юксалтиришга мажбурмиз. Бунинг учун вазирлик томонидан таълим соҳасида 30 ва ундан ортиқ йиллик меҳнат стажига эга ўқитувчиларни «Меҳнат фахрийси» медали билан тақдирлаш тўғрисида қарор қабул қилинди», – деди Ғани Бейсембаев.

Муаллиф: Марлан Жиембай