Қозоғистонда шифокорлар ҳуқуқларини ҳимоя қилишга қаратилган қонун лойиҳаси ишлаб чиқилди

NUR-SULTAN. Kazinform – Ҳукумат йиғилишидан сўнг ОАВ вакиллари саволларига жавоб берган ҚР Соғлиқни сақлаш вазири Ажар Ғиният тиббиёт ходимларининг ҳуқуқларини ҳимоя қилиш тўғрисидаги қонун лойиҳасининг асосий қоидаларини айтиб ўтди, деб хабар беради Kazinform мухбири.

«Вазирлик тиббиёт ходимларининг ҳуқуқларини ҳимоя қилишга қаратилган қонун лойиҳасини ишлаб чиқди. Қонуннинг ўзи жуда мураккаб. Шифокорнинг мақоми умумий тиббиёт ходимларини ижтимоий ва моддий таъминлаш масалаларини кўтаради. Тиббиёт ходимларининг потенциал суғуртаси масаласи ҳам кўтарилди. Унда тиббиёт ходимларининг ҳимояси ва тиббий ҳодисалар учун шифокорларнинг жиноий жавобгарлиги назарда тутилган. Бунинг учун ҳар бир тиббиёт мутахассиси, нафақат шифокор, балки ҳамшира ҳам ўз касбий фаолиятини суғурта компаниялари орқали суғурта қилади», - деди вазир.

Қонун лойиҳасига кўра, бемор ва тиббиёт ходимлари ўртасида келишмовчилик юзага келганда, аввало, уни воситачилик йўли билан кўриб чиқиш керак.

«Тиббий ҳодиса юз берган тақдирда, шифохоналар ёнида беморларни қўллаб-қувватлаш марказлари мавжуд. Беморнинг шикояти ёки аризаси ҳам медиация тартибида кўриб чиқилади. Медиация йўли билан келишувга эришилмаган тақдирда, бу ишлар суғурта компанияларига ўтказилади. Бу компаниялар соғликка етказилган зарарни қоплайди»,- деди Ажар Ғиният.

Муаллиф: Есимжан Нақтибай