Қозоғистонда нефт маҳсулотларини чакана савдода сотишнинг чегара нархлари тасдиқланди

NUR-SULTAN. Kazinform – 2022 йил 14 июлда ҚР Энергетика вазирлигининг нефт маҳсулотлари рўйхатини тасдиқлаш, шунингдек, нефт маҳсулотларини чакана сотиш учун чегара нархларни белгилаш тўғрисидаги буйруқлари кучга кирди. Бу ҳақда Энергетика вазирлиги матбуот хизматига таяниб, Kazinform хабар берди.

Буйруқларга кўра, Қостанай ва Шимолий Қозоғистон вилоятларида АИ-92 ва АИ-93 бензинининг чегара нархлари 187 тенге, Қозоғистоннинг бошқа ҳудудларида эса 182 тенге даражасида қолдирилди. Нархлар орасидаги фарқ логистика харажатлари билан боғлиқ, чунки ушбу вилоятлар нефт маҳсулотларини ишлаб чиқарувчи заводлардан узоқда жойлашган.

Шунингдек, АИ-95 ва ундан юқори русумли бензин нархларини давлат томонидан тартибга солиш нефт маҳсулотлари рўйхатидан олиб ташланди. Импорт қилинадиган қўшимчалар нархи нефт нархи ва валюта курслари билан боғлиқ.

Фармонга кўра, дизел ёқилғисининг чегара нархлари Қозоғистоннинг барча ҳудудларида ўзгаришсиз қолдирилди.

Энергетика вазирлиги маълумотларига кўра, буйруқлар 180 календар кун давомида амал қилади.

Фото: offer.vistavusolutions.com