Қозоғистонда нечта пушти фламинго бор

ASTANA. Kazinform - Kazinform агентлиги сўровига жавобан Қозоғистон Экология ва табиий ресурслар вазирлиги мамлакатда яшовчи пушти фламинголар сонини эълон қилди.

— Пушти фламинго Қозоғистонда ноёб ва йўқолиб кетиш хавфи остида турган ўсимлик ва ҳайвонлар турлари рўйхатига киритилган. Унинг сони 10-50 минг деб ҳисобланади. Вазирлик томонидан пушти фламинголар яшаш жойларини сақлаш ва кўпайтириш мақсадида уларни муҳофаза қилишни кучайтириш бўйича ишлар олиб борилмоқда. Бундан ташқари, қушлар сони ва уларнинг экотизимлари ҳолати мунтазам равишда назорат қилиб борилади, — деди вазирлик мутахассислари.

Вазирлик маълумотларига кўра, фламинголар ўз уяларини қурадиган ҳудудларда аппаратлар парвозлари тақиқланган.

— Қушларга таҳдид солувчи омилларни камайтириш мақсадида фламинголар уя қўядиган ҳудудлар устидан пастдан учадиган аппаратларнинг парвозини тақиқлаш жорий этилди. Фламинголарнинг асосий озуқаси бўлган артемияни ноқонуний овлашга қарши ҳам чора-тадбирлар кўрилмоқда, — дейилади вазирлик жавобида.

Эслатиб ўтамиз, Ақтау яқинидаги “Қоракўл” кўлига фламинголар учиб келишгани ҳақида хабар берган эдик.