Ақтау яқинидаги “Қоракўл” кўлига фламинголар учиб келишди

AQTAU. Кazinform - Маҳаллий фуқаро Азамат Сарсенбаев "Қоракўл" кўлига қўнаётган илк фламинголарни суратга олди. Фламинголар одатда пушти рангда эканлигини ҳисобга олсак, бу сафар уларнинг патлари ноодатий ва кулранг.

- Нима учун фламинголар кулранг бўлади деган савол туғилади. Бу уларнинг туғилишдаги табиий ранги. Ёши билан уларнинг ранги пушти ёки қизил рангга ўзгаради. Бунга фламинголар еган сув ўтлари ва қисқичбақалар таркибидаги пигментлар таъсир қилади, - деб ёзган блогер ўз постида.

“Устюрт” давлат қўриқхонаси мутахассисларининг таъкидлашича, “Қоракўл” кўли ҳудудида 200 дан ортиқ турдаги қушларни учратиш мумкин. Уларнинг 20 тури Қозоғистон Қизил китобига киритилган. Улардан бири фламингодир. Фламинголар “Қоракўл” кўлида озроқ ҳаяллайди ва жанубга қараб учиб кетади. Кузги миграция сентябрдан октябрь ойининг охиригача давом этади ва 1 мингдан 5 минггача учиб келади.

— “Қоракўл”да миграция эндигина бошланмоқда. Бу октябрь ойининг охиригача бўлади. Қиш иссиқ бўлса, 10-15 фламинго қишлайди. Сабаби, кўлнинг суви илиқ, озуқа етарли, – дейди “Устюрт давлат қўриқхонаси” республика давлат муассасаси директори вазифасини бажарувчи Жасқайрат Нурмуҳамбетов.