Қозоғистонда мамлакат шимолига кўчиб ўтадиганлар учун агросаноат мажмуасида 20,2 минг иш ўрни яратилади

ASTANА. Кazinform – Шимолга кўчиб ўтадиганлар учун агросаноат мажмуасида 20200 иш ўрни яратилади. Бу ҳақда Бош вазир Алихан Смаиловнинг Сенат депутатлари саволига берган жавобида айтилди, дея хабар беради Кazinform мухбири.

«Ишлаб чиқариш ва инвестиция лойиҳаларини амалга ошириш учун жорий йилда 65 дан ортиқ товар-сутчилик хўжалиги, жумладан, шимолий ҳудудларда 2 мингта янги иш ўрни яратиш билан 45 та товар-сутчилик хўжалигини қуриш режалаштирилган. Бундан ташқари, агросаноат комплексини ривожлантириш бўйича «Йўл харитаси» доирасида 2026 йилгача ички мигрантларни қабул қилувчи ҳудудларда агросаноат мажмуасида 20,2 мингта иш ўрни яратишни назарда тутган ҳолда 530 та инвестиция лойиҳасини амалга ошириш режалаштирилган», - деди Ҳукумат раҳбари ўз жавобида.

Бош вазир жорий йилда Қозоғистон Республикасининг 2023-2027 йилларга мўлжалланган қишлоқ ҳудудларини ривожлантириш концепцияси қабул қилинганини эслатади.

«Концепция доирасида меҳнат ресурсларининг ҳаракатчанлигини рағбатлантириш, шу жумладан, фуқароларни иқтисодий ўсишнинг ҳудудий марказларидан инфратузилмаси ривожланган, иш билан таъминлаш имкониятлари кўпроқ ва ҳудудий «ўсиш нуқталари»га эга бўлган олис ва алоҳида аҳоли пунктларига ихтиёрий равишда кўчиришни давлат томонидан қўллаб-қувватлаш кўзда тутилган(шаҳарлар ва вилоят марказлари). Шундай қилиб, ихтиёрий кўчириш дастурини ушбу концепция билан уйғунлаштириш ва уни комплекс тарзда амалга ошириш кўзда тутилган», — дейди Алихан Смаилов.

Муаллиф: Марлан Жиембай