Қозоғистонда қурилиш саноати қандай ривожланяпти
ASTANA. Kazinform - Қурилиш саноати рекорд ўсиш суръатларини кўрсатяпти. 2024 йилда уй-жойларни фойдаланишга топшириш ҳажми 2018 йилга нисбатан 6,4 миллион квадрат метрга ёки 51,4 фоизга ошиб, 19 миллион квадрат метрни ташкил этди, дея хабар беради Kazinform Ҳукумат матбуот хизматига таяниб.
2019-2024 йилларда жами 97,8 миллион квадрат метр уй-жой фойдаланишга топширилди. Бу ўн минглаб қозоғистонлик оилаларга ўз кўчмас мулкига эга бўлиш ва турмуш даражасини яхшилаш имконини берди.
Шунингдек, йўлларни таъмирлаш ва қуриш ҳам Президентнинг доимий назоратида. Охирги олти йилда республика аҳамиятига молик 4,4 минг километр автомобиль йўлини реконструкция қилиш ишлари якунланди. Булар Марказ – Шарқ, Марказ – Жануб, Талдиқўрған – Ўскемен, Ақтўбе – Атирау – Астрахань ва бошқа йўналишлардир. 2024 йилда зудлик билан 12 минг километр транспорт магистралини қуриш ва таъмирлаш ишлари амалга оширилди, шундан 8 минг километри республика, қолган 4 минг километри маҳаллий аҳамиятга молик автомобиль йўлларидир. Бу рекорд кўрсаткич.
Шунингдек, сўнгги олти йилда 250 га яқин янги йўл бўйи хизмат кўрсатиш объектлари қурилди. Давлат стандартига жавоб берадиган йўл бўйи хизмат кўрсатиш объектларининг улуши 52 фоиздан 90 фоизга оширилди.
