Қозоғистонда кўчмас мулк ҳужжатларини электрон кўриб чиқиш яна осонлашади

ASTANA. Kazinform - Қозоғистон Республикаси Рақамли ривожланиш, инновациялар ва аэрокосмик саноат вазири Бағдат Мусин кўчмас мулкка оид ҳужжатларни электрон асосда қайта ишлаш жараёнини такомиллаштириш зарурлигини айтди, деб хабар бермоқда Kazinform мухбири.

«Ҳозир мулкни рўйхатга олиш билан боғлиқ муаммо йўқ. Аввал машаққати кўп эди. Энди сиз нотариусга борасиз, бошқа жойга боришингиз шарт эмас. Аввалига мен шунинг ўзи етарли деб ўйлагандим. Лекин бундай эмас экан. Кўчмас мулкни ўз номига ўтказган одам, шундан сўнг барча коммунал хизматларни ҳам ўз номига ўтказиши керак экан. Маълум бўлишича, унинг ҳам ўзига яраша қийинчиликлари бор»

, — деди вазир Стратегик ташаббуслар форумида.

Унинг айтишича, келажакда барча қайд этилган процедураларни бир вақтнинг ўзида бажариш мумкин бўлади.

«Энди дастурчиларимиз ушбу процедурани бутунлай қайта форматлаш ҳақида ўйлашмоқда. Яъни, биз буларнинг барчасини битта процедурага мослаштирмоқчимиз. Рақамли ҳолатда бундай жараёнларнинг барчаси шахс учун қулай бўлган тизимда ишлаши керак»

, — деди Бағдат Мусин.

Муаллиф: Есимжан Нақтибай