Қозоғистонда хусусийлаштириш режасига 721 та ташкилот киритилиб, улардан 230 таси сотилди

NUR-SULTAN. Kazinform – ҚР Бош вазири Алихан Смаилов Иқтисодиётни модернизация қилиш бўйича давлат комиссиясининг йиғилишини ўтказди, унда хусусийлаштиришнинг 2025 йилгача бўлган комплекс режасини қайта кўриб чиқиш юзасидан таклифлар муҳокама қилинди, дея хабар беради Kazinform Ҳукумат матбуот хизматига таяниб.

Бугунги кунда 721 та ташкилот хусусийлаштириш режасига киритилган бўлиб, улардан 230 таси сотилган, яна 50 га яқини тугатиш ёки қайта ташкил этиш босқичида.

Шу билан бирга, активларни баланс қийматидан паст сотишни тақиқлаш, харидор ва сотувчининг акциядор бўлиб қолишига йўл қўймаслик, стратегик аҳамиятга эга объектлар устидан давлат назоратини таъминлашга қаратилган қонун ҳужжатларига ўзгартиришлар ишлаб чиқилмоқда.

Шу муносабат билан хусусийлаштириш рўйхати янгича ёндашувлар асосида янгиланди. Шундай қилиб, Хусусийлаштириш режасига рақобат муҳитига киритилиши иқтисодиётга ижобий таъсир кўрсатадиган янги ташкилотларни киритиш таклиф этилмоқда. Компанияларнинг бир қисмини «Самруқ-Қазна» жамғармаси портфел компаниялари IPО орқали сотиш режалаштирилган.

Бош вазир Хусусийлаштиришнинг комплекс режасига таклиф этилаётган тузатишларни маъқуллади.