Қозоғистонда халқаро олимпиадада биринчи ўринни қўлга киритган ўқувчи 6 миллион тенге олади
ASTANA. Kazinform – Қозоғистонда қишлоқ мактаблари ўқувчиларини интеллектуал олимпиада ва мусобақаларга тайёрлаш мақсадида “Дарин” онлайн мактаби ўз фаолиятини бошлади. Бу ҳақда “Дарин” республика илмий-амалий маркази директори Гаждембек Турсинов маълум қилди.
“Ҳозирда Қозоғистон олимпиадалар совриндорларини тақдирлаш тажрибасига эга кам сонли давлатлардан биридир. Президентимиз ташаббуси билан 2022 йилдан бошлаб халқаро фан олимпиадалари ғолиблари ва уларнинг ўқитувчилари пул мукофотлари билан тақдирланади. Халқаро олимпиадаларда совринли ўринларни қўлга киритган ўқувчиларга бир марталик давлат мукофоти берилади: олтин медаль учун – 1500 БҲМ, кумуш медаль учун – 1000 БҲМ, бронза медаль учун – 500 БҲМ миқдорида», – деди у.
2025 йилда мамлакатда 1 БҲМ миқдори 3932 тенге этиб белгиланди. Шунга кўра, “олтин медаль” олган талаба роппа-роса 5 миллион 898 минг тенге олади.
Маърузачи шундай шогирдларни тарбиялаган ўқитувчилар қанча мукофот пули олишларини ҳам таъкидлади.
«Олтин медални қўлга киритган ўқувчини тайёрлаган ўқитувчига касбий маошининг 26,5 баравари, кумуш медаль соҳибига – 17,5, бронза медаль соҳибига – 8,5 баравари миқдорида мукофот пули берилади», – деди Гаждембек Турсинов.
