Қозоғистонда электромобиллар сони 12 мингдан ошди
ASTANA. Kazinform - ҚР Транспорт вазирлиги электромобилларни ривожлантириш ва уларнинг инфратузилмасини яратиш учун қандай давлат қўллаб-қувватлаш чоралари кўрилаётганини тушунтирди.
«Статистик маълумотларга кўра, бугунги кунда Қозоғистонда электр моторли 12 120 та автомобиль рўйхатга олинган. Шунингдек, айни пайтда мамлакатимизда 426 та электр қувватлантириш станцияси мавжуд», — дейилади вазирликнинг Kazinform агентлигига берган жавобида.
2024 йил 18 июлда “Қозоғистон Республикасининг айрим қонун ҳужжатларига транспорт ва электромобиллар инфратузилмасини ривожлантириш масалалари бўйича ўзгартиш ва қўшимчалар киритиш тўғрисида”ги Қонун қабул қилинди. Унда мамлакатда электромобиллар учун инфратузилмани яратиш ва аҳолини электромобилларга ўтишга ундаш нормалари ҳисобга олинган.
Шунингдек, мамлакатимизда электромобилларни ривожлантириш бўйича қатор чора-тадбирлар амалга оширилди:
- электромобиллар утилизация тўловидан озод қилинган;
- электромобилларни дастлабки давлат рўйхатидан ўтказганлик учун йиғим ставкаси бошқа турдаги транспорт воситаларига нисбатан тахминан 2 баравар кам белгиланди.
- Мунтазам йўналишларга хизмат кўрсатиш ҳуқуқи учун рақобатбардош танловда электр автобуслари бўлган ташувчиларга устунлик берилади. 2018-2024 йилларда соддалаштирилган лизингни молиялаштириш дастури доирасида ҳудудларга 125 та электробуслар келтирилди.
Эслатиб ўтамиз, аввалроқ Kazinform мухбири “Электромобиллар инсон саломатлиги учун хавфлими?” сарлавҳали мақола тайёрлаган эди.
