Қозоғистонда болалар учун авиачипталар нархини субсидиялаш тартиби ўзгаради

ASTANA. Кazinform – «Қозоғистон ҳудудида вояга етмаган йўловчиларни ҳавода ташишда туристик маҳсулотга киритилган чипта нархини субсидиялаш қоидаларини тасдиқлаш тўғрисида»ги қарорга ўзгартиришлар киритиш таклиф этилди. Маданият ва спорт ишлари вазирлиги ўзгартирилиш киритилиши керак бўлган ҳужжатни очиқ муҳокама учун эълон қилди, деб хабар беради Кazinform мухбири.

Ҳужжат «маршрут квитанцияси», «электрон чипта» каби атамалар билан тўлдирилади.

»Қозоғистон Республикаси ҳудудида вояга етмаган йўловчиларни ҳавода ташиш пайтида туристик маҳсулотга киритилган чипта нархини субсидиялаш тўғрисидаги ариза тегишли календар йилининг биринчи иш кунидан 1 декабргача қоғоз ёки электрон шаклда почта орқали ёки бевосита жўнатилади», -дейилади буйруқ лойиҳасида.

Ариза берувчи Қозоғистон Республикаси фуқароси бўлган вояга етмаган йўловчига ёки Қозоғистон Республикасида доимий пропискага эга бўлган фуқаролиги бўлмаган шахсга чипта ёки электрон чипта, йўналиш квитанцияси ва йўловчи купони ёки авиачиптани тасдиқловчи гувоҳнома нусхасини тақдим этиши шарт.

Янги ўзгаришлардан бири аризани кўриб чиқиш муддатига тегишли. Хусусан, агар илгари чипта нархини субсидиялаш бўйича ариза 10 кун ичида кўриб чиқилган бўлса, энди у 7 иш кунигача қисқартирилади.

Шунингдек, субсидияловчи ташкилот 25 кун ичида туристик операторнинг ҳисоб рақамига маблағ ўтказади. Аввалги қоидада бу 45 кун эди.

«Қарорларни қабул қилиш самарадорлиги ва тезлигини ошириш мақсадида туроператорларга субсидия тўлаш чора-тадбирларини амалда қўллаш асосида 45 иш кунидан 25 иш кунига қисқартириш тавсия этилади», - дейилади вазирлик фармойишида.

Субсидия сифатида тақдим этилган маблағлар туроператорнинг ички туризм соҳасидаги иккинчи даражали банклардан бирида очилган ҳисоб рақамига ўтказилади.

Буйруқнинг жамоатчилик муҳокамаси 17 ноябрга қадар давом этади

Фото: media.cntraveler.com

Муаллиф: Алихан Асқар