Қозоғистонда ҳалол тадбиркорлар меҳнатини енгиллаштириш мақсадида «масофавий мониторинг» жорий этилади

NUR-SULTAN. Kazinform – Ҳалол тадбиркорлар ишини енгиллаштириш учун масофавий мониторинг жорий этилади. Бу ҳақда Қозоғистон Республикаси Молия вазири ўринбосари Ержан Биржанов Ҳукумат йиғилишида маълум қилди, дея хабар беради Кazinform мухбири.

«Ҳуқуқбузарликларнинг олдини олиш фискал назорат, жумладан, аудиторлик текширувлари вақтида хатарларни бошқариш тизимини янада такомиллаштириш орқали таъминланади. Шунингдек, бажарилмаган камера ҳисоботлари учун хатарларни бошқариш тизимидан фойдаланишни кенгайтириш ва ҚҚСни қайтариш вақтида аудит ўтказмасдан хатарларни баҳолаш тавсия этилади. Электрон ҳисобварақ-фактураларни онлайн мониторинг қилиш орқали фирибгарлик операцияларининг олди олинмоқда. Давлат органлари ва ташкилотлари маълумотлари асосида марказий даражадаги барча хабарларни автоматлаштириш режалаштирилган», — деди у.

Вазир ўринбосарининг сўзларига кўра, солиқ тўловчилар ўз контрагентларини мустақил текширишлари учун зарурий текшириш тамойилини жорий этиш бўйича ишлар олиб борилмоқда. Бу суд жараёнлари сонини камайтиради.

«Бундан ташқари, ҳалол тадбиркорлар меҳнатини енгиллаштириш мақсадида бизнес билан мулоқотнинг янги тури – «масофавий мониторинг» жорий этилади. Йирик корхоналар билан масофавий ҳамкорликка асосланган «даражадош мониторинг»дан фойдаланиш кенгайтирилади», — деди Ержан Биржанов.

Муаллиф: Марлан Жиембай