Қозоғистонда АЭС ни қайси давлат қуриши мумкин
ASTANA. Kazinform - Бугун Ҳукумат йиғилишида “Қозоғистон атом электр станцияси” МЧЖ бош директори Тимур Жантикин атом электр станциясини қуриш бўйича қисқа рўйхатга қайси давлатлар киритилганини айтиб ўтди.
“2019 йилда биз энг илғор хорижий ядро технологиялари етказиб берувчиларидан мажбурий бўлмаган техник ва тижорат таклифларини олиш бўйича маркетинг процедурасини ўтказдик. Хитой, Жанубий Корея, Россия, Франция ва АҚШдан 6 та вендордан 13 та замонавий реактор лойиҳасини олдик. Биз таклиф этилаётган технологияларни дастлабки баҳолаш учун жаҳон тажрибаси ва МАГАТЭ тавсияси асосида ўз баҳолаш тизимимизни ишлаб чиқдик. У Франциянинг машҳур Assystem инжиниринг компанияси томонидан маъқулланган”, - деди у.
Тимур Жантикиннинг сўзларига кўра, шундан сўнг 4 та етказиб берувчи қисқа рўйхатга киритилган:
- PR1000 реактор билан Хитойнинг CNNC компанияси;
- APR1000 ва APR1400 реакторлар билан Кореянинг KHNP компанияси;
- ВВЭР-1200 реактор билан Россиянинг Росатом компанияси;
- PR1200 технологияси билан Франциянинг EDF компанияси.
“Ҳамкорлар таклифи асосида технологияларни танлашдан ташқари лойиҳанинг тахминий қиймати, муддати, молиялаштириш усуллари ва манбалари ҳақида ҳам фикр шакллантирилди”, – дейди шериклик бош директори.
