Қозоғистонда 100 дан ортиқ янги IT-компаниялар қурилади
NUR-SULTAN. Kazinform – Қозоғистонда 100 дан ортиқ янги IT- компаниялар қурилади. Бу ҳақда Қозоғистон Республикаси Бош вазири Асқар Мамин Ҳукуматнинг кенгайтирилган йиғилишида маълум қилди, деб хабар беради Kazinform мухбири.
«Иқтисодиётни сифатли рақамлаштириш бўйича фаол ишлар давом эттирилади. 2021 йилда «оптик толали алоқа» 2 мингдан ортиқ қишлоқларда пайдо бўлади. Ер участкаларини бериш жараёни тубдан ўзгартирилади. Интернет орқали ер участкасини рўйхатдан ўтказиш мумкин бўлади», - деди Асқар Мамин.
Бош вазирнинг таъкидлашича, давлат хизматларининг 90 фоизи смартфонлар орқали амалга оширилади. Проактив ижтимоий тўловларга 100% ўтиш режалаштирилган.
«100 дан ортиқ янги IT-компаниялар қурилади ва 10 мингдан ортиқ малакали кадрлар тайёрланади. Маълумотларни қайта ишлаш ва сақлаш соҳасидаги инвестицияларнинг ўсиши 72 миллиард тенгени ташкил этади. Инновацион лойиҳалар 6 миллиард тенге миқдорида грант маблағлари ҳисобидан қўллаб-қувватланади», - дея якунлади вазир.
Муаллиф: Серик Сабеков
