Қозоғистон ёшлар терма жамоаси Шотландия устидан ғалаба қозонди

ASTANA. Kazinform – Футбол бўйича U21 терма жамоаси 2025 йилги Европа чемпионати саралаш босқичидаги сўнгги ўйинида Шотландияни мағлуб этди.

Алматидаги марказий стадионда бўлиб ўтган учрашувда Қозоғистон ёшлари 3:2 ҳисобида зафар қучди. Денис Мамонов шогирдлари Айбар Абдулла, Адилбек Жумаханов, Ян Труфановлар мерганлик кўрсатди.

Қозоғистонлик ёшлар “В” гуруҳида тўққиз очко жамғариб, турнир жадвалида олтита жамоа орасида бешинчи ўринни эгаллашди. Шотландия эса 16 очко билан учинчи ўринни эгаллади.

Эслатиб ўтамиз, бунгача Футзал бўйича Қозоғистон аёллар терма жамоаси жаҳон чемпионатининг саралаш босқичида иштирок этиши ҳақтда ёзган эдик.