Қозоғистон ва Ўзбекистон 15 та ҳамкорлик ҳужжати имзолади

TASHKENT. Kazinform - Тошкентда Қозоғистон ва Ўзбекистон президентлари иштирокида икки мамлакат расмий делегациялари аъзолари томонидан қатор ҳужжатлар имзоланди, деб хабар бермоқда Kazinform Ақорда матбуот хизматига таяниб.

Расмий делегациялар аъзолари давлат раҳбарлари иштирокида қуйидаги ҳужжатларни имзоладилар:

1. Қозоғистон Республикаси Ҳукумати ва Ўзбекистон Республикаси Ҳукумати ўртасида «Марказий Осиё» халқаро саноат кооперацияси марказини ташкил этиш тўғрисидаги асосли битим;

2. Қозоғистон Республикаси Савдо ва интеграция вазирлиги ва Ўзбекистон Республикаси Инвестициялар ва ташқи савдо вазирлиги ўртасида Электрон савдо тизимини ривожлантириш бўйича ўзаро англашув меморандуми;

3. Қозоғистон Республикаси Ҳукумати ва Ўзбекистон Республикаси Ҳукумати ўртасида олий ва олий таълимдан кейинги таълим соҳасида ҳамкорлик тўғрисидаги битим;

4. Қозоғистон Республикаси Ҳукумати ва Ўзбекистон Республикаси Ҳукумати ўртасида экология ва атроф-муҳитни муҳофаза қилиш соҳасида ҳамкорлик тўғрисидаги битим;

5. Қозоғистон Республикаси Экология, геология ва табиий ресурслар вазирлиги ва Ўзбекистон Республикаси Ўрмон хўжалиги давлат қўмитаси ўртасида ўрмон хўжалиги соҳасида ўзаро англашув тўғрисидаги меморандум;

6. Қозоғистон Республикаси Ҳукумати ва Ўзбекистон Республикаси Ҳукумати ўртасида 2000 йил 7 июлдаги Фуқароларнинг ўзаро ташрифлари шартлари тўғрисидаги битимга ўзгартиришлар киритиш тўғрисидаги баённома;

7. Қозоғистон Республикаси Стратегик режалаштириш ва ислоҳотлар агентлиги ва Ўзбекистон Республикаси Президенти ҳузуридаги Стратегик ислоҳотлар агентлиги ўртасида ҳамкорлик тўғрисидаги меморандум;

8. Қозоғистон Республикаси Давлат хизмати ишлари бўйича агентлиги ва Ўзбекистон Республикаси Президенти ҳузуридаги Давлат хизматини ривожлантириш агентлиги ўртасида давлат хизмати соҳасида ўзаро англашув тўғрисидаги меморандум;

9. Қозоғистон Республикаси Қизилўрда вилояти ҳокимлиги ва Ўзбекистон Республикаси Навоий вилояти ҳокимлиги ўртасидаги ҳамкорликни кенгайтириш бўйича 2023-2024 йилларга мўлжалланган «Йўл харитаси»;

10. Қозоғистон Республикаси Туркистон вилояти ҳокимлиги ва Ўзбекистон Республикаси Жиззах вилояти ҳокимлиги ўртасидаги ҳамкорликни кенгайтириш бўйича 2023-2024 йилларга мўлжалланган «Йўл харитаси».

11. Қозоғистон Республикаси Туркистон вилояти ҳокимлиги ва Ўзбекистон Республикаси Тошкент вилояти ҳокимлиги ўртасидаги ҳамкорликни кенгайтириш бўйича 2023-2024 йилларга мўлжалланган «Йўл харитаси»;

12. «ҚазМунайГаз» Миллий компанияси» АЖ ва «Ўзбекнефтгаз» АЖ ўртасидаги шартнома;

13. «Eurasian Resources Group S.а.r.L.» Компания ва «Sanoat Energetika Guruhi Enera»МЧЖ ўртасида ҳамкорлик тўғрисидаги шартнома;

14. «Казфосфат» МЧЖ, «Ўзкимёсаноат» АЖ ва KP Fertilizers Ltd. Ўзбекистон Республикасида минерал ўғитлар ишлаб чиқариш бўйича қатор комплексларни қуриш бўйича инвестиция лойиҳаларини амалга ошириш доирасида қўшма шериклик тўғрисидаги битим;

15. «PTC Holding» МЧЖ (Қозоғистон Республикаси) ва Ўзбекистон Республикаси Тошкент вилояти маъмурияти ўртасида ҳамкорлик ва ўзаро англашув тўғрисидаги меморандум.

Фото: t.me/bort_01