Қозоғистон ва Германиянинг биринчи теннис ракеткалари илк бор тўқнаш келишади

NUR-SULTAN. Кazinform - Бугун пойтахтдаги Миллий теннис марказида Билли Жин Кинг кубоги доирасидаги Қозоғистон – Германия учрашуви давом эттирилади, дея хабар беради Kazinform мухбири.

Дастлаб кортга Қозоғистон ва Германиянинг биринчи ракеткалари Елена Рибакина ва Анжелика Кербер чиқади. Бу уларнинг биринчи учрашуви бўлади.

«Катта дубулға» турнирида (2016 йилда Австралия ва АҚШ очиқ чемпионатлари, 2018 йилда «Уимблдон») ғолиб чиққан ва ҳозирда дунё рейтингида 17-ўринни эгаллаб турган А.Кербер 34 ёшда бўлса, Қозоғистоннинг биринчи, дунёнинг 19-ракеткаси Е. Рибакина бу йил 23 ёшга тўлади.

Кеча Қозоғистонниннинг ўз майдонида кортга чиққан Елена Рибакина А.Кербер билан беллашувга пухта тайёргарлик кўришини айтди.

Икки мамлакатнинг биринчи ракеткаларидан кейин Юлия Путинцева ва Лаура Зиегемунд ўзаро куч синашади. Улар аллақачон икки марта ўйнаб, бирин-кетин ғалаба қозонишган.

Бугун жуфтлик баҳсларида Елена Рибакина / Анна Данилина ва Анна-Лена Фридзам / Юле Нимайер ҳам учрашиши режалаштирилган.

Биринчи кундан кейин Қозоғистон 2:0 ҳисобида олдинда бормоқда. Учта ғалабага эришган жамоа Билли Жин Кинг кубоги финалига йўл олади.

Учрашув Нур-Султан вақти билан соат 14.00да бошланади ва Qazsport телеканали орқали жонли эфирда намойиш этилади.

Муаллиф: Елжан Ерали