Қозоғистон ва Буюк Британия вазирлари қандай масалаларни муҳокама қилишди

ASTANA. Kazinform – Қозоғистон ва Буюк Британия ташқи сиёсат идоралари раҳбарларининг учрашувида «Эйр Астана» авиакомпаниянинг яқинда IPOга қўйилгани ва Буюк Британиянинг “Астана” халқаро молия марказини ташкил этишдаги роли алоҳида таъкидланди.

“Яқинда Лондонда қабул қилинган қазиб олинадиган фойдали қазилмалар бўйича “Йўл харитаси”ни инобатга олиб, биз муҳим хомашё, Транскаспий халқаро транспорт йўлаги ва яшил энергия соҳаларида илғор лойиҳаларни амалга ошириш имкониятларини кўриб чиқдик. Бундан ташқари, биз глобал муаммоларни енгиб ўтиш, жумладан, иқлим ўзгариши, атроф-муҳитни муҳофаза қилиш ва сув ресурсларини самарали бошқариш каби соҳаларда ҳамкорлик қилишга келишиб олдик. Ўз навбатида, биз Лондон билан савдо ва сармоявий алоқаларни кенгайтиришдан манфаатдор эканимизни яна бир бор тасдиқладик”, – деди Қозоғистон Республикаси Ташқи ишлар вазири Мурат Нуртилеу.

У Буюк Британия ҳукуматига Қозоғистон Президенти Қасим-Жомарт Тоқаевнинг янги сиёсий ва иқтисодий ислоҳотларини қўллаб-қувватлагани учун миннатдорчилик билдирди.