Қозоғистон ва АҚШ ўртасидаги товар айирбошлаш ҳажми 3 млрд долларга етди

ASTANA. Kazinform – Қозоғистон Республикаси Бош вазирининг ўринбосари, Қозоғистон Республикаси ташқи ишлар вазири Мухтар Тилеуберди Қозоғистон ва АҚШ ўртасидаги товар айирбошлаш ҳажми ошгани ҳақида маълум қилди, дея хабар бермоқда Kazinform мухбири.

«Қозоғистон учун Қўшма Штатлар 60 миллиард доллардан ортиқ тўғридан-тўғри хорижий сармоя киритган энг йирик давлатдир. Ўзаро товар айирбошлаш ҳажми 37 фоиздан ортиқ ўсди ва 3 миллиард доллардан ошди», – деди Мухтар Тилеуберди Марказий Осиё давлатлари ва АҚШ ташқи ишлар идоралари раҳбарларининг C5+1 форматидаги учрашувида.

Вазир мамлакатнинг иқтисодий устувор йўналишларига мувофиқ салоҳиятни ошириш ва тажриба ўтказиш ҳамда ижтимоий-иқтисодий лойиҳаларни амалга оширишда техник-иқтисодий ёрдам кўрсатаётгани учун АҚШга миннатдорлик билдирди.

«Биз АҚШнинг минтақамизда рақамли савдо ва коммуникацияларни ривожлантириш борасидаги саъй-ҳаракатларини юқори баҳолаймиз», – дея қўшимча қилди Бош вазир ўринбосари.

Муаллиф: Азамат Сиздиқбаев