Қозоғистон терма жамоасининг 7 нафар боксчиси чорак финалга чиқди

ASTANA. Kazinform – 2024 йилги Олимпиада йўлланмалари учун Бусто-Арсициода (Италия) бўлиб ўтаётган лицензион турнирда етти нафар қозоғистонлик боксчилар чорак финалга йўлланма олди.

Команда капитани Асланбек Шимбергенов 71 килограмм вазн тоифасида 1/8 финалда туркманистонлик Байрамдурди Нурмуҳамедов билан куч синашди.

Асланбек биринчи даврада маҳоратли ўйин кўрсата олди. У рақибига аниқ зарба берди ва ҳисобини оширди.

Натижада ҳакамлар унинг ғалабасини бир овоздан қўллаб-қувватлади.

Туркманистонлик боксчининг фаоллиги иккинчи ва учинчи раундларда кузатилди.

Шунга қарамай, Асланбек Шимбергенов умумий ҳисобда ғалаба қозониб, чорак финалга йўл олди.

Асланбек Шимбергенов 1993 йилда туғилган. У 2023 йилги жаҳон чемпионатида олтин медальни қўлга киритган.

2022 йилда Осиё чемпиони унвонини ҳам қўлга киритган.

Шунингдек, қозоғистонлик боксчилардан Валентина Хальзова (75 кг), Алуа Балқибекова (50 кг), Айбек Оралбай (92 кг), Cакен Бибосинов (51 кг), Нурбек Оралбай (80 кг) ва Махмуд Сабирхан (57 кг) ҳам чорак финалига йўлланмани қўлга киритди.

Ярим финалга қадар етиб борган барча боксчилар 2024 йилги Париж Олимпиадасига йўлланма олади.