Қозоғистон ўта хавфли вируслар омборига эга лаборатория қуради

None
None
NUR-SULTAN. Kazinform – Жамбил вилоятида вирусларнинг ўта хавфли штаммларини сақлаш жойига эга лаборатория қурилиши режалаштирилмоқда. Бундай лаборатория нима учун кераклигини мамлакат соғлиқни сақлаш вазири Алексей Цой тушунтириб берди, деб хабар беради Kazinform мухбири.

Алексей Цой изоҳ берганидек, ҳозирда лаборатория қуриш масаласи ишлаб чиқилмоқда.

«Мамлакатдаги барча лабораториялар давлат томонидан тўлиқ назорат қилинади. Айни пайтда бу масала устида иш олиб борилмоқда», - деди у.

Унинг аниқлик киритишича, лабораторияни давлат ҳисобидан қуриш режалаштирилган, молиялаштириш масаласи ҳам бугун кўриб чиқилмоқда. Алексей Цойнинг сўзларига кўра, лабораторияга бўлган талаб қай даражада бўлиши ўрганилмоқда.

Вазир ўта хавфли штаммлар сақланадиган лаборатория нима учун зарурлигига ҳам жавоб берди.

«Масалан, бизда БСЛ-3 лабораторияси бор. Бу CОВИД каби штаммларни ўрганадиган лаборатория. Бизда шундай лаборатория мавжудлиги ваксинани тезда ишлаб чиқиш, ушбу штаммларга жавоб бериш учун диагностикани ишлаб чиқиш имконини берди», - деди Соғлиқни сақлаш вазирлиги раҳбари.

«Оддий лабораторияда хавфли штаммлар билан курашиш мумкин эмас, чунки улар юқумли. Бизга маълум шарт-шароитлар, ҳимоя костюмлари, у ерда ишлайдиган одамлар учун хавфсиз бўлиши учун махсус ҳаво тозалаш керак. Шунинг учун бу масала ўрганилмоқда. Айни пайтда бизда шундай лаборатория мавжуд. Унинг асосида биз QazVac вакцинасини ишлаб чиқдик», - деди Алексей Цой.

Эслатиб ўтамиз, 2025 йилда Жамбил вилоятида BSL-4 лабораторияси ва хавфли ва ўта хавфли штаммларни йиғиш учун ер ости омбори қуриш режалаштирилмоқда.


Муаллиф: Ақбота Кузекбай

Сўнгги хабарлар