Қозоғистон Президенти умра зиёратини бажарди

NUR-SULTAN. Kazinform – Давлат раҳбари Қасим-Жомарт Тоқаев 24 июл куни Ислом динининг бош зиёратгоҳи – Макка шаҳрида Умра (кичик ҳаж) зиёратини амалга оширди, дея хабар беради Kazinform Ақорда матбуот хизматининг БОРТ№1 Telegram каналига таяниб.

«Президент Каъбага кириш имтиёзига эга бўлди. Унинг эшиклари фақат махсус ҳолатларда ва юқори шарафли меҳмонлар учун очилади. Бу Саудия Арабистони раҳбариятининг Қозоғистон Президентига кўрсатган улкан ҳурматини англатади», - дейилади хабарда.

Эслатиб ўтамиз, Давлат раҳбари Қасим-Жомарт Тоқаев Саудия Арабистони Қироли Салмон бин Абделазиз Ол Сауднинг таклифига биноан расмий ташриф билан бўлиб турибди.