Қозоғистон Президенти Туркия вице-президентини қабул қилди
Суҳбат чоғида Қозоғистон ва Туркия ўртасидаги стратегик шерикликни ривожлантириш истиқболлари ҳамда халқаро кун тартибининг долзарб масалалари муҳокама қилинди.
Қасим-Жомарт Тоқаев Фуат Октайга ҳурмат бажо келтирди ва Туркия Президенти Ражаб Тоййиб Эрдўғонга самимий салом йўллаб, унинг жорий йил май ойида Туркияга ташриф буюриш таклифини чин дилдан қабул қилганини айтди.
Давлат раҳбари сиёсий, савдо-иқтисодий, сармоявий ва маданий-гуманитар соҳалардаги икки томонлама муносабатлар юксак даражада эканини қайд этиб, муносабатларни янада фаоллаштириш зарурлигини таъкидлади.
Ўз навбатида Туркия вице-президенти Қасим-Жомарт Тоқаевга ва Қозоғистон халқига Президент Ражаб Тоййиб Эрдўғоннинг саломини етказди. Шунингдек, Туркия президентининг ташрифини интиқлик билан кутаётганини айтди.
Фуат Октай Қасим-Жомарт Тоқаевга Қозоғистон ва Туркия ўртасида дипломатик муносабатлар ўрнатилганининг 30 йиллиги муносабати билан туркия раҳбарининг йўллаган табрик мактубини етказди.
Туркия вице-президенти мамлакатда қийинчиликларни енгиш бўйича кўрилаётган чора-тадбирларни юқори баҳолади ва Қозоғистон Президентининг кучли ва мардона раҳнамолигида амалга оширилаётган ислоҳотларни юксак баҳолади.
Учрашув якунида Қасим-Жомарт Тоқаев Режеп Тоййип Эрдўғонга жорий йилнинг октябр ойида Нур-Султан шаҳрида бўлиб ўтадиган Осиёда ҳамкорлик ва ишонч чоралари бўйича кенгашнинг VI саммитида иштирок этиш қарори учун миннатдорчилик билдирди.
