Қозоғистон Президенти Рақамли ҳукумат офисига ташриф буюрди

NUR-SULTAN. Kazinform – Қасим-Жомарт Тоқаев Миллий таҳлил маркази, рақамли трансформация маркази ва миллий лойиҳа офисини ўз ичига олган Рақамли ҳукумат офисини ишга туширишга рухсат берди, деб хабар беради Kazinform Ақордага таяниб.

Рақамли ривожланиш, инновациялар ва аэрокосмик саноат вазири Бағдат Мусин Қозоғистон Президентига Рақамли ҳукумат офисининг асосий вазифалари ва лойиҳалари тўғрисида ҳисобот берди.

Вазирнинг сўзларига кўра, офис дастлабки таҳлилни автоматлаштиради, прогнозлар ва ривожланиш сценарийларини ишлаб чиқади, эришиладиган мақсадларга, шунингдек бошқа тадбирларга таҳдидларни кузатади ва аниқлайди.

Рақамли трансформация маркази давлат органларининг иш жараёнини ўзгартириш ва уларнинг рақамли форматга ўтиши билан шуғулланади.

Савдо ва интеграция вазирлиги Президентга ички ва ташқи савдо учун таҳлилий платформани тақдим этди.

Бу платформа озиқ-овқат нархларини онлайн тарзда кузатиш ва прогноз қилиш имконини беради.

Рақамли ривожланиш, инновациялар ва аэрокосмик саноат вазирлиги аҳолининг эмлаш даражасини кузатиш лойиҳасини тақдим этди.

Учрашувда Стратегик режалаштириш ва ислоҳотлар агентлиги раиси, Астана халқаро молия маркази раҳбари Қайрат Келимбетов, Молия вазири Ерулан Жамаубаев, Соғлиқни сақлаш вазири Алексей Цой ва бошқа расмийлар сўзга чиқишди.