Қозоғистон ОПЕК+ келишуви доирасида нефть қазиб олишни оширади
Бу ҳақда Энергетика вазирлиги матбуот хизмати маълум қилди.
ОПЕК+га аъзо давлатлар вазирларининг видеоконференция форматида йиғилиши бўлиб ўтди. Йиғилишда декабр ротацияси даражаси муҳокама қилинди. Масалан, Қозоғистоннинг декабр ойида ўз мажбуриятларини бажариш даражаси 122 фоизни ташкил этди.
«Учрашув якунлари бўйича ОПЕК+ мамлакатларида нефть қазиб олишнинг жорий даражасини чекловлар тўлиқ олиб ташланмагунча ҳар ойда 400 минг баррелга оширишни давом эттиришга қарор қилинди», — дейилади вазирлик хабарида.
Хусусан, Қозоғистон учун квоталар кўпайган.
«Январ ва феврал ойларида ОПЕК+ доирасида Қозоғистон учун квота мос равишда кунига 1572 ва 1,589 миллион баррелни ташкил қилади. 2022 йил март ойи учун мажбуриятлар кунига 1,605 миллион баррелни ташкил этади», — дейилади расмий баёнотда.
Муаллиф: Есимжан Нақтибай
