Қозоғистон Мудофаа вазири Бирлашган Араб Амирликлари элчиси билан учрашди

NUR-SULTAN. Kazinform – Мудофаа вазирлигида генерал-лейтенант Руслан Жақсилиқов Бирлашган Араб Амирликларининг Қозоғистон Республикасидаги Фавқулодда ва Мухтор Элчиси Муҳаммад Саид Муҳаммад ал-Арикий билан учрашди. Бу ҳақда вазирлик матбуот хизматига таяниб, Kazinform хабар берди.

Томонлар ҳарбий таълим, радиация, кимёвий ва биологик ҳимоя, жанговар тайёргарлик, киберхавфсизлик, шунингдек, ҳарбий-техникавий соҳадаги икки томонлама ҳамкорликнинг ҳолати ва уни ривожлантириш истиқболларини муҳокама қилдилар.

Эслатиб ўтамиз, феврал ойида Абу-Даби шаҳрида Қозоғистон Республикаси ва Бирлашган Араб Амирликлари қўшма ҳарбий комиссиясининг йиғилишида икки давлат мудофаа вазирликлари ўртасидаги ҳамкорликни ривожлантиришнинг кейинги йўналишлари белгилаб олинди ва 2022 йилдаги Ҳарбий ҳамкорлик режаси имзоланди.