Қозоғистон корхоналари 50 мингдан ортиқ автомобил ишлаб чиқарди
NUR-SULTAN. Kazinform – Қозоғистон корхоналари 50 мингдан ортиқ автомобил ишлаб чиқарди, деб хабар беради Kazinform ҚР Индустрия ва инфратузмаларни ривожлантириш вазирлиги матбуот хизматига таяниб.
«2020 йилнинг 9 ойи якунлари бўйича маҳаллий корхоналар 52 411 та енгил ва юк машиналари, автобуслар ва махсус техникаларни йиғдилар. Жорий йилда жами 100 минг донагача автомобил етказиб бериш режалаштирилган», - дейилади хабарда.
Жорий йилнинг 10 ойида Қозоғистонда машинасозлик маҳсулоти 16,5 фоизга ўсди. Автомобиллар, тиркама ва ярим тиркамалар ишлаб чиқариш 53,6 фоизга, бошқа автомобиллар ишлаб чиқариш – 87,1 фоизга, электр жиҳозлари – 3 фоизга, машина ва ускуналар ишлаб чиқариш 4,3 фоизга ўсди.
