Қозоғистон қиш ва ёз вақтига ўтадими - вазир жавоби

ASTANА. Кazinform - Қозоғистон Республикаси Савдо ва интеграция вазири Арман Шаққалиев Мажилис кулуарида мамлакатнинг қишки ва ёзги вақтга ўтиши масаласи фақат уч йилдан кейин кўриб чиқилишини айтди.

Вазирнинг таъкидлашича, вақтни ўзгартириш масаласи ҳақиқатан ҳам қизғин муҳокама қилинган ва ҳозирда турли мурожаатлар келиб тушмоқда.

“Петицияни кўриб чиқиш натижаларини биласиз. Бизда қиш ва ёз вақтларини алмаштириш тажрибаси бор эди. Ҳозирда Украинада ҳам худди шундай масала кўриб чиқилмоқда. Улар ҳам бунга йўл қўймасликка қарор қилишди. Яна бир бор эслатиб ўтаманки, бундай воқеа аввал ҳам бўлган. Депутатнинг таклифи эътиборга лойиқ ва кўриб чиқилиши мумкин. Петиция натижаларига кўра комиссия таъсир натижаларини аниқлаш ва уларни тизимли асосда илмий хулосага тайёрлаш учун вақт зарур, деган қарорга келди. Бу муҳим масаладир”, – деди А.Шаққалиев.

Унга кўра, Соғлиқни сақлаш вазирлиги уч йил давомида қўшимча тадқиқотлар олиб боради.

“Биз ўз тавсияларимизда Соғлиқни сақлаш вазирлиги яқин 3 йил ичида салбий таъсир бўйича тадқиқот ўтказишини айтган эдик, чунки ижобий таъсир ҳақида анчадан бери гапиряпмиз”, — дея қўшимча қилди вазир.

Эслатиб ўтамиз, 1 март соат 00:00 дан бошлаб бутун Қозоғистон ҳудудида ягона вақт минтақаси ўрнатилган эди.