Қозоғистон экспорти 46,6 фоизга ошди

NUR-SULTAN. Kazinform – Қозоғистон экспорти 46,6 фоизга ошди. Бу ҳақда Ҳукумат йиғилишида ҚР Миллий иқтисодиёт вазири Алибек Қуантиров маълум қилди, дея хабар беради Kazinform мухбири.

«Жорий йилнинг январ-феврал ойларида ташқи савдо айланмаси 52,5 фоизга ўсиб, 18,2 миллиард АҚШ долларини ташкил этди. Хусусан, экспорт ҳажми 71,4 фоизга ошиб, 12,1 миллиард АҚШ долларини ташкил этди. Шу билан бирга, қайта ишланган маҳсулотлар экспорти 46,6 фоизга ошиб, 3,5 миллиард АҚШ долларини ташкил этди. Товарлар импорти 6,1 миллиард долларни ташкил этди. Умуман олганда, ижобий савдо салдоси 6 миллиард АҚШ долларини ташкил қилди», - деди Алибек Қуантиров.

Муаллиф: Марлан Жиембай