Қозоғистон Бош вазири кўмир нархининг кескин ошишига йўл қўймасликни топширди

NUR-SULTAN. Kazinform - Кўмир нархининг кескин ошишига йўл қўймаслик керак. Бу ҳақда Ҳукумат йиғилишида Бош вазир Алихан Смаилов маълум қилди, дея хабар бермоқда Kazinform.

«Умумий вилоят ҳокимликлари томонидан иситиш мавсумига жадвал асосида ҳозирлик кўрилмоқда. Қостанай, Алмати, Қизилўрда, Ғарбий Қозоғистон вилоятлари ижтимоий соҳа объектлари ва турар-жой биноларини иситиш мавсумига тайёрлаш режасини 100 фоизга бажарди. Шу билан бирга, турар-жой биноларини тайёрлашда кечикиш ҳолатлари ҳам мавжуд. Масалан, Павлодар вилоятида - 66,5%. Аҳолига иссиқлик ўз вақтида берилади, кўмир таъминотида муаммо бўлмаслиги керак»

, — деди А.Смаилов.

Шу муносабат билан Ҳукумат раҳбари кўмир танқислиги ҳар йили такрорланадиган одатий ҳолатга айланиб бораётганидан огоҳлантирди.

«Кўмир учун узун навбатлар, нархларнинг кескин ошиши, ўз вақтида етказиб берилмаслик, ҳудудларда кўмир заҳираларининг йиғилмаслиги – буларнинг барчаси одамларнинг норозилигига олиб келади. Бунга йўл қўйиб бўлмайди. Иссиқлик мавсуми бошланишига ҳам оз фурсат қолди. Шимолий ҳудудларда совуқ эрта тушади. Шу боис иситиш мавсумини сентябр ойи охирида бошлаш режалаштирилган. Шунинг учун имкон қадар тайёргарлик ишларини жадаллаштириш зарур»

, — деди Бош вазир.

Фото: primeminister.kz