Қостанай вилоятида тракторлар учун кабиналар ишлаб чиқарилади
QOSTANAI. Kazinform - Қостанайда янги ишлаб чиқариш мажмуасининг очилиши бўлиб ўтди. Янги линиянинг ишга туширилиши аҳолинги юзга яқин иш ўрни билан таъминлайди, деб хабар беради Kazinform мухбири.
Тантанали очилиш маросими Қостанай вилояти ҳокими Қумар Ақсақалов иштирокида “МТЗ-Қозоғистон машинасозлик заводи” МЧЖ ҳудудида бўлиб ўтди. Бу ерда «Беларус» русумли тракторлар учун кабиналар ишлаб чиқариш йўлга қўйилади.
Тадбирда Беларусь Республикаси Саноат вазири Александр Рогожин, Беларусь Республикасининг Қозоғистон Республикасидаги Фавқулодда ва Мухтор Элчиси Павел Утупин ва “МТЗ” АЖ бош директори Виталий Вовк иштирок этди.
Бугунги кунда завод двигатель йиғиш, капут элементлари ва юқори босимли шланглар ишлаб чиқаришни тартибга солади. Янги ишлаб чиқариш 100 та янги иш ўрни яратиш имконини беради.
Лойиҳага киритилган сармоя миқдори 7,4 миллиард тенгени ташкил этди, ишлаб чиқариш майдонлари 10 минг квадрат метрга кенгайтирилди.
– Давлат раҳбарининг кўрсатмаларига мувофиқ маҳсулотларда Қозоғистон улушини ошириш чораларини кўряпмиз. Қостанай машинасозлик корхоналари ишлаб чиқаришни маҳаллийлаштиришни йилдан-йилга оширмоқда. Бу янги иш ўринлари яратиш, шунингдек, металлургия, кимё саноати ва бутловчи қисмлар ишлаб чиқариш каби турдош тармоқларни ривожлантиришни рағбатлантириш, бюджетга солиқ тушумларини ошириш имконини бермоқда, – деди вилоят раҳбари.
