Коронавирус телефон экрани ва банкнотада бир ой «яшайди»

Австралия миллий тадқиқот агентлигининг сўнгги тадқиқотлари шуни кўрсатдики, SARS-Cov-2 вируси илгари ўйланганидан кўра ҳаётийроқ бўлиши мумкин.
Австралиянинг CSIRO агентлиги томонидан олиб борилган тадқиқотлар шуни кўрсатдики, вирус 28 кун давомида 20°C ҳароратда мобил телефон экранлари каби текис сиртларда, шунингдек пластик ва қоғоз пулларда «жуда ҳаётчандир». Таққослаш учун, грипп вируси бу ҳолатда 17 кун яшайди.
Кардифф университети Вирусли инфекциялар марказининг собиқ директори, профессор Рон Экклес австралиялик ҳамкасбларнинг тадқиқотини танқид қилиб, коронавируснинг 28 кун давомида «фаол» бўлишини тахмин қилиш «бу шунчаки кераксиз янгилик бўлиб, жамоатчиликни хавотирга солмоқда» деди.
Унинг айтишича, «вируслар фақат йўталаётганда, акса урганда ёки ифлос қўллар билан юзни ушлаганда юқади».