Коронавирус: Алмати шаҳрида аҳолининг 23 фоизида иммунитет шаклланди
ALMATY. Kazinform – Алмати шаҳар Санитария-эпидемиология назорати бошқармаси бошлиғи, шаҳар бош давлат санитария шифокори Жандарбек Бекшин шаҳар аҳолисининг 23 фоизида коронавирусга қарши иммунитет шаклланганини айтди, деб хабар беради Kazinform мухбири.
Унга кўра, Алматида ҳозир 23 фоиз иммунитет шаклланди. Аҳолининг 18 фоизи эмланди, 5 фоизи эса касалликдан соғайиб чиқди.
«Июн ойи бошидан бери Алматида коронавирус инфекциясининг тарқалиши икки баравар камайди. Сўнгги кун давомида 112 та коронавирус касаллиги қайд этилди. Март ойида - 9,5 минг ҳолат, апрелда - 20 минггача етган эди. Энди касаллик даражаси камайди ва барқарорлашди. Бу шаҳарда коронавирусга қарши олиб борилаётган тизимли ишларнинг натижаси, шу жумладан аҳолини оммавий эмлаш ҳам бор, албатта», - деди Жандарбек Бекшин.
Шунингдек, у 100 минг аҳолига нисбатан касалланиш даражаси барқарорлигини таъкидлади.
«Сўнгги 7 кун ичида касалланиш 64,7 дан 39,8 гача камайди, репродуктив кўрсаткич 0,79 даражасида барқарорлашди. Бу «яшил зона» параметрларига мос келади«, - деди у.
Муаллиф: Алма Муқанова
