Клаус Шваб Қозоғистон Президентни Жаҳон иқтисодий форумида иштирок этишга таклиф қилди

NEW YORK. Kazinform – АҚШда ҚР Президенти Қасим-Жомарт Тоқаев Жаҳон иқтисодий форуми асосчиси ва ижрочи директори Клаус Шваб билан учрашди. Бу ҳақда Kazinform Ақордага таяниб хабар беради.

Учрашувда Қозоғистон ва Жаҳон иқтисодий форуми ўртасидаги ҳамкорликни ривожлантириш истиқболлари кўриб чиқилди, шунингдек, долзарб масалалар ва тенденциялар юзасидан фикр алмашилди.

Давлат раҳбари Жаҳон иқтисодий форумининг «Астана» халқаро молия маркази билан муваффақиятли ҳамкорлиги ҳақида гапирди.

Клаус Шваб Президентни 2023 йил январ ойида Давосда бўлиб ўтадиган Жаҳон иқтисодий форумида иштирок этишга таклиф қилди. Шу билан бирга, Қасим-Жомарт Тоқаев раҳбарлигида мамлакатда амалга оширилган сиёсий ва иқтисодий ислоҳотларни юксак баҳолади.