Клаудия Шейнбаум Мексикадаги президентлик сайловларида ғалаба қозонди

ASTANA. Kazinform – Тарихда биринчи марта аёл киши Мексика президенти бўлади: якшанба куни бўлиб ўтган сайловда Мехико шаҳрининг собиқ мэри ва амалдаги президентнинг протежеси Клаудия Шейнбаум экзит-полл натижаларига кўра ғалаба қозонди, деб хабар беради BBC.

Parametria компанияси ўтказган экзит-полл натижаларига кўра, сайловчиларнинг 56 фоизи Клаудия Шейнбаумга, 30 фоизи эса унинг асосий рақиби сенатор Ксочитль Гальвесга овоз берган.

Еnkoll томонидан ўтказилган сўров натижалари худди шундай натижаларни кўрсатди: Шейнбаум учун 57,8% ва Гальвес учун 29,1%.

Мексика сайлов комиссияси – Миллий сайлов институти биринчи натижаларни яқин бир неча соат ичида эълон қилишга ваъда берди.

61 ёшли Клаудия Шейнбаум номзодлиги президентликка амалдаги президент Андрес Мануэль Лопес Обрадорнинг ҳукмрон Moreno партиясини қўшганда таркибига учта чап қанот партияси кирадиган Sigamos Haciendo Historia ("Тарих яратишда давом этайлик") коалицияси томонидан кўрсатилди.

Лопес Обрадорнинг ўзи конституцияга кўра иккинчи муддатга номзодини қўя олмайди, шунинг учун Шейнбаумни маъқуллади.

Мехико шаҳрида яҳудий оиласида ўсган Шейнбаум биринчи марта физик сифатида машҳур бўлди ва 2007 йилда Иқлим ўзгариши бўйича ҳукуматлараро панель аъзоси сифатида Тинчлик бўйича коллектив Нобель мукофотини олди.

2000 йилда ўша пайтдаги Мехико мэри Лопес Обрадор Шейнбаумни пойтахт атроф-муҳитни муҳофаза қилиш бўйича котиб этиб тайинлади ва 2018 йилда президентлик сайловларида ғалаба қозонганидан кейин Обрадорнинг ўрнига мэр этиб тайинланди.

Шейнбаум Лопес Обрадор сиёсатини давом эттириш ва ривожлантиришга ваъда берди.

Унинг сайловолди дастурининг асосий бандларидан бири жиноятчиликка қарши курашдир. Мехико шаҳри мэри сифатида у пойтахтдаги қотиллик даражасини сўнгги ўттиз йилликдаги энг паст даражага туширди, бу амалиётни бутун мамлакат бўйлаб ёйишни режалаштирмоқда.