Қирғизистондаги нефть базасида цистерна портлади, 4 киши жароҳат олди

BISHKEK. КABAR – Кazinform – Қирғизистоннинг Шу вилоятининг Соқилик туманидаги нефть базасида содир бўлган портлашда 4 киши жабрланди. Бу ҳақда Шу вилояти соғлиқни сақлаш координатори Бактигул Мамитованинг нутқига таянган ҳолда ҚР Соғлиқни сақлаш вазирлиги матбуот хизмати маълум қилди, дея хабар беради Кazinform.

Унга кўра, турли даражадаги куйиш жароҳати олган тўрт нафар фуқаро тез ёрдам машинасида Соқилиқ тумани умумий тиббиёт марказига етказилган.

«Жароҳатланганлардан бирининг аҳволи оғир. Уч нафари травматология бўлимига ётқизилган (икки нафарининг аҳволи ўртача оғир, бирининг аҳволи қониқарли). Жароҳатланганлар учун дори-дармон етарли», – дейди у.

Тез ёрдам бригадаси билан бирга Бишкекдан комбустиолог юборилган. Воқеа жойида травматолог ва жарроҳлардан иборат 3 та тез тиббий ёрдам бригадаси ишлаяпти.