Қирғизистонда озиқ-овқат нархи ошди

BISHKEK. Кazinform – Қирғизистонда жорий йилнинг биринчи чорагида 2022 йил декабрига нисбатан истеъмол нархлари ва тарифларининг ўсиши 3,2 фоизни ташкил этди, деб хабар беради Кazinform мухбири.

Қирғизистон Республикаси Миллий статистика қўмитаси маълумотларига кўра, озиқ-овқат маҳсулотлари ва алкоголсиз ичимликлар нархи 3,6 фоизга, алкоголли ичимликлар ва тамаки маҳсулотлари – 4,7 фоизга, ноозиқ-овқат маҳсулотлари – 2,1 фоизга, аҳолига кўрсатилган хизматлар тарифлари – 2,6 фоизга ошди. Озиқ-овқат маҳсулотларидан энг кўп янги сабзавотлар - 32,1 фоизга, гуруч - 11,4 фоизга, балиқ - 8,4 фоизга қимматлашган. Сут маҳсулотлари – 3,8 фоизга, алкоголсиз ичимликлар – 3,3 фоизга, товуқ тухуми – 3,2 фоизга, макарон ва бошқа дон маҳсулотлари – 2,6 фоизга, нон маҳсулотлари – 1,3 фоизга ва гўшт – 0,8 фоизга ўсди.

Нархлар ва тарифларнинг ўсиши республиканинг барча ҳудудларида кузатилди. Шу билан бирга, энг юқори ўсиш Норин вилоятида (6,1 фоиз) қайд этилди, бу бошқа вилоятларга нисбатан озиқ-овқат маҳсулотлари ва алкоголсиз ичимликлар нархининг 5,9 фоизга ошиши ҳисобига қайд этилди.

Муаллиф: Гулмира Абрахманова