Қирғизистон аҳолисининг 60 фоизи коронавирусга қарши тўлиқ эмланди
Коронавирусга қарши курашиш Республика оператив штабининг маълумотларига кўра, бугунги кунда мамлакатда 3 миллион 150 минг 418 доза вакцина қўлланилган, шундан 1 миллион 571 минг 969 одам биринчи доза, 1 миллион 340 минг 263 одам иккинчи доза билан эмланган. 238 минг 186 нафар Қирғизистон фуқароси бустер доза билан эмланди.
«Биринчи доза билан эмлаш даражаси вакцинация қилинадиган катта ёшли аҳолининг 70 фоизини ташкил қилади. Мамлакатнинг йирик шаҳарлари Бишкек ва Ўшда аҳолининг мос равишда 47 ва 79 фоизи эмланган. Умуман олганда, Қирғизистон аҳолисининг 60 фоизи вакцинанинг иккинчи дозаси билан эмланган. Бишкек шаҳрида фуқароларнинг 39 фоизи, Ўш шаҳрида эса 68 фоизи эмлашнинг тўлиқ курсини олган», — дейилади тезкор штаб хабарида.
Қирғизистонда эмлаш қуйидаги препаратлар билан амалга оширилади: AstraZeneca, SinoPharm, «Спутник-V», QazVac, Pfizer, «Спутник-Лайт», Moderna.
