КХДР Россия билан муносабатларини янги босқичга кўтариш ниятида
ASTANA. KAZINFORM - КХДР ташқи ишлар вазири Цой Сон Хи 15—17 январь кунлари расмий ташриф билан Россияда бўлди, деб хабар беради Kazinform мухбири.
Сешанба куни КХДР ташқи ишлар вазири Цой Сон Хи россиялик ҳамкасби Сергей Лавров билан музокара ўтказди. У ерда икки томонлама кун тартибининг долзарб масалалари, шунингдек, икки давлат ўртасидаги халқаро ҳамкорлик, жумладан, Корея яримороли ва умуман Шимолий-Шарқий Осиёдаги вазият муҳокама қилинди.
Сергей Лавров 2023 йил сентябрь ойида “Восточний” космодромида Россия президенти Владимир Путин ва Шимолий Корея давлат ишлари раиси Ким Чен Иннинг учрашувида эришилган келишувларни амалга ошириш бўйича дастлабки хулосалар чиқариш зарурлигини таъкидлади.
Ўз навбатида, КХДР ТИВ раҳбари икки давлат ўртасидаги давлатлараро муносабатлар 2024 йилда янги босқичга кўтарилишига ишонч билдирди. Шу муносабат билан у олий даражадаги алоқаларни жонлантириш, турли сиёсий ва маданий тадбирлар ўтказишдан манфаатдор эканлигини билдирди.
Шунингдек, у Ким Чен Иннинг 2023 йил сентябрида Россияга қилган ташрифи якунларини эслади.
Учрашувда КХДР ТИВ раҳбари ўтган йилнинг сентябр ойида Ким Чен Ин Россия раҳбарини ўзига қулай вақтда Пхеньянга ташриф буюришни таклиф қилганини эслатди.
Россия Федерацияси раҳбари матбуот котиби Дмитрий Песков ОАВга берган интервьюсида ташрифнинг эҳтимолий санасини тилга олмади, бироқ у яқин орада тафсилотлар келишилганидан кейин амалга оширилишини таъкидлади.
Шу куни икки давлат ташқи ишлар вазирлари Кремлда бўлиб ўтган учрашувда Россия президенти Владимир Путинга маслаҳатлашувлар натижалари ҳақида маълумот берди.
