Келажакда АЭС қуриш бўйича консорциумга 5 та давлат қўшилиши мумкин

ASTANA. Kazinform – Келажакда АЭС қурилиши бўйича консорциумга 5 та давлат қўшилиши мумкин. Бу ҳақда ҚР Бош вазири ўринбосари Роман Скляр маълум қилди.

“Ўйлайманки, бу консорциум келажакда 5 та давлатдан иборат бўлади. Атом электр станцияси шунчаки объект эмас. У ўзининг таркибий бўлимида турли давлатлар етакчи бўлган бир қатор тузилмалардан иборат”, – деди у Ҳукумат йиғилишидан кейинги брифингда.

Унинг қайд этишича, станцияни лойиҳалаш жараёнида турли мамлакатлардан энг илғор технологиялар олиш ишлари олиб борилмоқда. Шунинг учун қурилиш жараёнига турли компаниялар ва субпудратчилар сафарбар этилган. Дунёда шундай тажриба бор. Ахир ядро оролини бир давлат, турбинани бошқа давлат қуриши мумкин.

“Шунинг учун биз ҳеч қандай етказиб берувчи ёки пудратчига эътибор қаратмасдан консорциум яратишимиз керак”, – дейди Роман Скляр.

Эслатиб ўтамиз, бугун Референдум ўтказиш бўйича Марказий комиссия 6 октябрь куни ўтказилган республика референдумининг якуний натижаларини эълон қилди.

Унга кўра, овоз беришда қатнашган фуқароларнинг 71,12 фоизи ёки 5 миллион 561 минг 937 нафари Қозоғистонда атом электр станцияси қуриш масаласини қўллаб-қувватлаган. Қарши овоз берганлар эса 2 045 271 киши.