Қасим-Жомарт Тоқаев Жоржа Мелонини Астанага таклиф қилди

ASTANА. Kazinform - Қозоғистон Президенти Италия Вазирлар Кенгаши раиси Жоржа Мелони билан учрашди

Давлат раҳбари “Абу-Даби Барқарор ривожланиш ҳафталиги” доирасида Италия Вазирлар Кенгаши раиси Жоржа Мелони билан учрашди.

Қасим-Жомарт Тоқаев Жоржа Мелонини туғилган куни билан табриклаб, унга дўст Италия халқи фаровонлиги йўлидаги давлат хизматида муваффақиятлар тилади.

Президент ўтган йили Римга қилган расмий ташрифини мамнуният билан эслаб, бу Қозоғистон-Италия муносабатларида янги босқичга йўл очганини таъкидлади.

Давлатлараро ҳамкорликни юқори даражада сақлаб қолиш учун Қасим-Жомарт Тоқаев Жоржа Мелонини Астанага расмий ташриф билан келишга таклиф қилди.

Аввалроқ Давлат раҳбари сунъий интеллект соҳасидаги экспертлар билан учрашган эди.