Қасим-Жомарт Тоқаев Жиддага амалий ташриф билан борди

ASTANA. Kazinform – Қозоғистон Республикаси Президенти Қасим-Жомарт Тоқаев Саудия Арабистони Подшоҳи Салмон бин Абдулазиз Ол Сауднинг таклифига биноан Жидда шаҳрига амалий ташриф билан борди, деб хабар беради Ақорда матбуот хизмати.

Давлат раҳбарини аэропортда Макка провинцияси губернатори ўринбосари шаҳзода Бадр бин Султон бин Абдулазиз ва Жидда провинцияси губернатори Солиҳ бин Али ат-Туркий кутиб олди.

Эслатиб ўтамиз, аввалроқ Қасим-Жомарт Тоқаев Саудия Арабистони Подшоҳлигига хизмат сафари доирасида Исломда иккинчи муқаддас жой ҳисобланган Мадина шаҳридаги Муҳаммад пайғамбар масжидига ташриф буюргани ҳақида ёзган эдик.