Қасим-Жомарт Тоқаев ва Эмомали Раҳмон кенгайтирилган таркибда музокара ўтказди
ҚР Президенти Қозоғистон Тожикистон билан дўстона муносабатларни юксак қадрлашини таъкидлади.
«Қозоқ заминида қардош тожик халқига алоҳида ҳурмат билан қарашади. Юртдошларимиз замонавий Тожикистон ҳақида кўпроқ маълумотга эга бўлишни, тожик халқининг бой маданияти билан танишишни истайди. Шу муносабат билан сизнинг бундай кенг кўламли тадбирларни ташкил этиш ташаббусингиз қозоғистонликлар ва мамлакатимиз меҳмонлари томонидан катта қизиқиш билан кутиб олинди. Ушбу муҳим тадбирнинг икки давлат ўртасида дипломатик муносабатлар ўрнатилганининг 30 йиллиги муносабати билан ўтказилаётгани алоҳида рамзий маънога эга», – деди Давлат раҳбари.
Қасим-Жомарт Тоқаев икки томонлама ҳамкорлик барча соҳаларда, жумладан, сув-энергетика соҳасидаги ҳамкорлик жадал ривожланаётганини таъкидлади.
«Сув-энергетика, хусусан, Қозоғистонга сув ва электр энергияси етказиб бериш бўйича мажбуриятларни бажариш бўйича ўз вақтида қарор қабул қилганингиз учун сизга ва барча Тожикистон томонига чексиз миннатдормиз. Қозоғистон сизнинг олдинги ташрифингиз чоғида ўзаро келишилган барча мажбуриятларни бажармоқда», – деди ҚР Президенти.
Қасим-Жомарт Тоқаев май ойида Тожикистон Президенти Эмомали Раҳмоннинг Қозоғистонга ташрифи чоғида имзоланган Қозоғистон ва Тожикистон ўртасидаги иттифоқчилик ҳамкорлиги тўғрисидаги декларация муваффақиятли амалга оширилаётганини қайд этди.
Президентнинг сўзларига кўра, бу йилги товар айланмаси 6 ойда 500 миллион доллардан ошди. Шу билан бирга, ўзаро товар айирбошлаш ҳажмини 2 миллиард долларга етказиш режалаштирилган.
Эмомали Раҳмон икки томонлама ҳамкорликнинг бугунги ҳолатини ҳам юқори баҳолади
«Тожикистон маданияти ва кўргазмаси кунларини, шунингдек, Астана, Алмати ва Чимкент шаҳарларида мамлакатимиз қишлоқ хўжалиги ва саноат маҳсулотлари ярмаркасини ўтказишда қўллаб-қувватлаганингиз учун ташаккур. Биз бу чора-тадбирларни Тожикистон ва Қозоғистон ўртасидаги муносабатлар, стратегик шериклик ва иттифоқчиликнинг узлуксиз ривожланиб бораётганидан далолат, деб биламиз. Бу тадбирларнинг икки давлат ўртасида дипломатик муносабатлар ўрнатилганининг 30 йиллиги муносабати билан бўлиб ўтишининг ўзига хос мазмуни бор. Бугунги кунда мамлакатларимиз ўртасидаги муносабатлар ўзаро англашув, юксак ҳурмат ва ишончга асосланган. Ўзаро муносабатларимизни янада мустаҳкамлаш Тожикистон ташқи сиёсатининг асосий устувор йўналиши бўлиб қолмоқда», – деди Тожикистон Президенти.
Суҳбат чоғида савдо-иқтисодий, транспорт-логистика, қишлоқ хўжалиги, энергетика, молия ва маданий-гуманитар соҳалардаги ҳамкорликни янада ривожлантириш истиқболлари муҳокама этилди.
