Қасим-Жомарт Тоқаев TikTok Бош директори билан бир қатор масалаларни муҳокама қилди
Давлат раҳбари Қасим-Жомарт Тоқаев ТикТок компанияси раҳбари Чжоу Шоуцзи билан учрашди, дея хабар беради Каzinform агентлиги Ақорда матбуот хизматига таяниб.
Президентнинг сўзларига кўра, TikTok платформаси мамлакатда оммалашиб бормоқда, ҳозирда унда 10 миллиондан ортиқ қозоғистонлик рўйхатдан ўтган. Дунёга машҳур видеоконтент яратиш ва кўриш хизмати илова интерфейсини қозоқ тилига биринчилардан бўлиб таржима қилди, шунингдек, кибербуллингнинг олдини олиш бўйича комиссар тайинлади.
Ўз навбатида Чжоу Шоуцзи Astana Hub билан биргаликда қозоғистонлик стартаплар учун эксклюзив таълим дастури TikTok StartUp Academy лойиҳасини амалга ошириш ҳақида гапирди. Бундан ташқари, ҳамкорлик TikTok Startup Valley танловини ўз ичига олган. Натижада 200 дан ортиқ стартаплар TikTok орқали ўз маҳсулотларига эътиборни жалб қилиш воситаларига ўргатилди.
Суҳбат чоғида креатив индустрия, сунъий интеллект соҳасидаги тадқиқотлар, электрон тижоратни ривожлантириш, шунингдек, TikTok платформаси орқали Қозоғистон маданияти ва сайёҳлик имкониятларини жаҳон миқёсида тарғиб қилиш соҳасидаги ҳамкорлик масалалари муҳокама қилинди.
