Қасим-Жомарт Тоқаев Сингапурнинг Istana президентлик саройига ташриф буюрди
ASTANA. Kazinform - Қасим-Жомарт Тоқаевни Президент Тарман Шанмугаратнам кутиб олди. Қозоғистон ва Сингапур давлат мадҳиялари янгради, Фахрий қоровул бошлиғи икки давлат раҳбарларига рапорт берди, деб хабар беради Kazinform Ақордага таяниб.
Қозоғистон Президенти Фахрий меҳмонлар китобига имзо чекди. Сўнгра давлат раҳбарлари расмий делегациялар аъзоларини бир-бирларини таништирдилар.
Маросим якунида Қасим-Жомарт Тоқаев ва Тарман Шанмугаратнам музокаралар залига кирди.
Эслатиб ўтамиз, аввалроқ Давлат раҳбари Сингапур Республикаси Президенти Тарман Шанмугаратнам таклифига биноан 23-24 май кунлари давлат ташрифи билан бўлиши ҳақида хабар берган эдик.
Ташриф доирасида Қасим-Жомарт Тоқаевнинг Сингапур юқори раҳбарияти, йирик халқаро компаниялар раҳбарлари билан қатор учрашувлар ўтказиши, Қозоғистон-Сингапур бизнес-форуми ишида иштирок этиши режалаштирилган.
