Қасим-Жомарт Тоқаев Мухтар Қул-Муҳаммедни қабул қилди

ASTANА. Kazinform - Давлат раҳбари Қасим-Жомарт Тоқаев жамоат арбоби, академик Мухтар Қул-Муҳаммедни қабул қилди, дея хабар беради Ақорда матбуот хизмати.

Учрашувда Қозоғистон фан ва маданияти, давлат ва ахборот хавфсизлиги, шунингдек, халқаро ҳамкорлик масалалари муҳокама қилинди.

Академик яқинда бўлиб ўтган Шанхай ҳамкорлик ташкилоти саммитида Давлат раҳбарининг хавфсизликни мустаҳкамлаш, тинчлик, барқарорлик ва барқарор тараққиётни таъминлаш борасидаги ташаббусларини қўллаб-қувватлашини билдирди. Мухтар Қул-Муҳаммед дунёда турли можароларни бартараф этиш ва уларнинг олдини олишда ўрта держава сифатида тан олинган Қозоғистоннинг роли ортганини айтди. Шу билан бирга, Астана декларацияси ва саммитда қабул қилинган йигирмадан ортиқ ҳужжат дунёда хавфсизлик ва ҳамкорликни янада мустаҳкамлашга катта ҳисса қўшишини таъкидлади.

Қасим-Жомарт Тоқаев тенг ҳуқуқли шерикликка асосланган самарали минтақавий ҳамкорликни таъминлаш мақсадида Қозоғистоннинг кўп томонлама ҳамкорлиги муҳимлигини таъкидлади. Президент таъкидлашича, халқлар ва давлатлар ўртасидаги ўзаро ишонч ва яхши қўшничиликни мустаҳкамлашда халқ дипломатияси алоҳида ўрин тутади.