Қасим-Жомарт Тоқаев БМТ Бош котиби Антониу Гутерриш билан музокара ўтказди
Конструктив ва дўстона руҳда ўтган учрашувда Қозоғистон ва БМТ ўртасидаги ҳамкорлик ҳолати ва мустаҳкамлаш истиқболлари муҳокама қилинди.
Шунингдек, долзарб вазифаларни ҳал этишнинг жамоавий усулларини ишлаб чиқишга қаратилган саъй-ҳаракатларга ҳам алоҳида эътибор қаратилди.
Қасим-Жомарт Тоқаев Антониу Гутерришнинг БМТ Бош котиби сифатидаги фаолиятини юқори баҳолади ва унинг 2023 йилда «Келажак саммити»ни чақириш ташаббусини тўлиқ қўллаб-қувватлашини билдирди.
Президент ушбу муҳим учрашув натижалари Барқарор ривожланиш мақсадларини амалга оширишга хизмат қилишига ишонч билдирди.
Томонлар Давлат раҳбарининг Алмати шаҳрида Марказий Осиё ва Афғонистон учун Барқарор ривожланиш мақсадлари бўйича БМТ хабини яратиш бўйича ташаббусини амалга ошириш масалаларини кўриб чиқдилар. БМТ Бош котиби ушбу муҳим ташаббусни қўллаб-қувватлашини билдирди.
Қасим-Жомарт Тоқаев Антониу Гутерришни Қозоғистонга ташриф буюришга таклиф қилди.
